1. యెహోవా మనకొరకు - గొప్ప కార్యములు చేసెను
మహా సంతోషభరితులమైతివిు - సహపనివారినిగా జేసెన్
|| యెహోవా ||
2. ప్రారంభ కాలపనులను - పరిహసించువారెవరు
ప్రభు పనిచేయ పదివేలగు నొకడు - విరవిగ బలమౌ జనమగును
|| యెహోవా ||
3. ప్రభు సువార్తకై బహుగా మేము - బాధించబడి యుంటిమి
ప్రబలెను ప్రభుని వాక్యము - ప్రబలితిమి మేము ప్రభు కృపలో
|| యెహోవా ||
4. పొరపాటులెన్నో చేసితిమి - ప్రభుకృపతో మమ్ము క్షమించెన్
విరోధి మంత్ర శకునము లేమి - ఇశ్రాయేలులో నికలేవు
|| యెహోవా ||
5. భూమిపై గడ్డిని తడుపు - వానవలె విజయము నిచ్చెను
సమ భూమిని బోలి సముద్రములో - క్షేమముగా మము నడిపెను
|| యెహోవా ||
6. అధికంబాయె మా అంత్యదశ - మొదటి పనులను మించెన్
మొదటి మందిర మహిమను మించె - తుది మందిరపు మహిమ
|| యెహోవా ||
7. మహిమ ఘనతా ప్రభావములు - మా కృతజ్ఞతా స్తోత్రములు
సింహాసనాసీనుండా మాదు - సీయోను రాజా హల్లెలూయా
|| యెహోవా ||