1. యేసు నా కొరకు నీవు, పరలోకము విడచితివి
దాసుని రూపము ధరించి, దీనుడైతివి
నేను దీనుడను కాను, గర్వముతో నిండియున్నాను
నీదు వినయముతో నింపుము
|| యేసు ||
2. ప్రేమ గల ఓ ప్రభువా లోకమును ప్రేమించితివి
నీ ప్రేమ ద్వారానే, సమస్తము నిచ్చితివి
ఈ ప్రేమ చూపలేను కఠినుడనైయున్నాను
నీ ప్రేమతో నింపుము
|| యేసు ||
3. ప్రభువా నీవందరి యెడల, శాంతము వహించితివి
ఎవరును నశింపక యుండవలెనని
నేను సహించలేను, సహనమునే కోల్పోయాను
నీ శాంతముతో నింపుము
|| యేసు ||
4. నమ్మకమైన ప్రభువా, నీ కార్యము అద్భుతము
నీ సత్యము మేఘముల నంటుచున్నది
నే నయోగ్యదాసుడను, నిన్ను దుఃఖపెట్టి యున్నాను
నీ యధార్థతో నింపుము
|| యేసు ||
5. యేసుని స్వరూపము కల్గి ఆయనవలె మారెదన్
ఈ రూపాంతరము కొరకై నిరీక్షించెదన్
ఆ అద్భుత దినము కొరకు నన్ను సిద్ధపరచుము
నీ పవిత్రతతో నింపుము
|| యేసు ||