1. ఎవరు కష్ట బాధ లోర్చెదరో
పట్టువదలక ప్రభుతో నుండు వారే
దిట్టముగా నత్యధిక విజయమును పొంది
గట్టిగా నిలిచెదరు వారెల్లరు ప్రభులో
|| ఎవరు ||
2. ఎవరు శోధనలను జయింతురో
జీవమకుటము వారే పొందెదరు
పావనుడైన పరమ క్రీస్తేసు తోడ
పరిపాలింతురు ప్రభుని దివ్య రాజ్యములో
|| ఎవరు ||
3. ఎవరు లోకాశలను జయింతురో
వారే సైతానును ఓడింతురు
పరిపూర్ణముగా ప్రభుని బలము గలవారై
పరలోక స్వాస్థ్యమును పొందెదరు
|| ఎవరు ||
4. ఎవరు క్రీస్తేసు సంబంధులో
వారే పాప మరణము జయింతురు
ఓ మరణమా నీ ముల్లెక్కడ యనుచు
వీక్షింతురు పరమ విభుని రాకడ కొరకై
|| ఎవరు ||
5. ఎవరు ప్రభు సేవను చేసెదరో
వారే పొందెదరు బహుమానము
ఓరిమి కలిగి పరుగును ముగించి
మురిసెదరు హల్లెలూయ పాటలతో
|| ఎవరు ||