పల్లవి : యేసు ప్రభువే - నీకు రక్షణ నిచ్చును
ఇంత గొప్ప - రక్షణ నిర్లక్ష్య పెట్టకు
1. మృతియే పాపపు జీవము - ప్రభుని వరము జీవము
క్రీస్తు నంగీకరించిన - నిత్యజీవ మిచ్చును
ప్రాణమున్ ఆ సిలువపై ని - బలిగా నిడి నిన్ కొనెగదా
మరతువా యేసుని ప్రేమను - మరువకు
|| యేసు ప్రభువే ||
2. కంటికి కనబడని వెన్నో - చెవికి వనబడనివెన్నో
గ్రహింప శక్యము కానివి - నీకై సిద్దపడెను
ప్రాణమున్ ఆ సిలువపైని - బలిగా నిడి నిన్ కొనెగదా
పెడచెవిన్ పెట్టకు యేసుని మాటను
|| యేసు ప్రభువే ||
3. మరణ బలము గలవానిన్ - నాశనంబు చేసెన్
మరణ భయములో నున్న - వారిని విడిపించెను
ప్రాణమున్ ఆ సిలువపైని - బలిగా నిడి నిన్ కొనెగదా
హృదయమున్ తెరువుము యేసును చేర్చుకో
|| యేసు ప్రభువే ||
4. సిలువ రక్తము చేతను - నిర్దేవులైన వారిని
మధ్యపు గోడను పడగొట్టి - ఐక్యపరచే దేవునితో
ప్రాణమున్ ఆ సిలువపైని - బలిగా నిడి నిన్ కొనెగదా
సమాధానపడు మిక దేవునితో - యీక్షణమే
|| యేసు ప్రభువే ||
5. దైవస్వభావంబులో - పరిశుద్ధాత్ముని యందు
పరలోకపు పిలుపులో - పాలివారల జేసెను
ప్రాణమున్ ఆ సిలువపైని - బలిగా నిడి నిన్ కొనెగదా
పరిశుద్ధుల స్వాస్థ్యములో పాలిభాగ - మొందుము
|| యేసు ప్రభువే ||
6. దేవుని పరిశుద్ధతలో - కలుగబోవు మహిమలో
క్రీస్తుయేసు ప్రభువులో - పాలివారల జేసెను
ప్రాణమున్ ఆ సిలువపైని - బలిగా నిడి నిన్ కొనెగదా
త్వరపడు నీదు భాగమును పొందను
|| యేసు ప్రభువే ||
7. పరలోకములో కనబడు - తెల్లనైన వస్త్రముల్
ధరించుకొను సమూహము - ఖర్జూర మట్టలు చేభూని
దేవునికిని గొఱ్ఱెపిల్లకును - స్తోత్రములు చేయుచుండ
నీవు నీ రక్షణకై పాడువు - హల్లెలూయ
|| యేసు ప్రభువే ||