1. పగలు దాటిపోయెను రాత్రి వచ్చుచున్నది
దిగులులేక యేసుని సొంతముగా చేరుడి
|| కృపకాలము ||
2. పాప ఆశ వీడుచు, లోకమైత్రి వీడుచు
పాపమన్నింపొందియే జీవమార్గము చేరు
|| కృపకాలము ||
3. సొంత క్రియలు ముందును వెనుక నంధకారము
నంతమగ్ని కొలిమియె ఇట్టి మార్గమందున
|| కృపకాలము ||
4. రేపు నీది యగునా మరణవేళ తెలియునా?
ప్రాపకుడు యేసుడు వచ్చు వేళ తెలియునా?
|| కృపకాలము ||
5. క్రీస్తు విరోధి వచ్చును నరుల మోసగించును
అంత పాప మధికమై దేవ భక్తి తగ్గును
|| కృపకాలము ||
6. దొంగభక్తి వీడుచు బూతుభాష విడచుచు
దండనకు తప్పుము శిక్ష రాకముందుగా
|| కృపకాలము ||
7. ఎన్ని మార్లు రక్షణ వార్త వినియు నమ్మక
యున్నవారు కృపకై లేచి అంగలార్తురు
|| కృపకాలము ||
8. వ్యాధి శ్రమలు మరణమో వేరు ఎట్టి కష్టమో
బాధించక ముందుగా నేసునొద్ద కరుగుము
|| కృపకాలము ||
9. నిన్ను ప్రభువు త్రోయక నరకమునకు పంపక
యుండునట్లు దైవకృప పొంద యేసును చేరు
|| కృపకాలము ||
10. ఆది ప్రేమ భ్రష్ఠులై అల్లలాడి జీవించు
మానవులను చూడక యేసు విభుని చూడుమా
|| కృపకాలము ||