పల్లవి : తెరువబడియున్నది కృపద్వారము
త్వరపడి రమ్మని పిలిచె నేసు
1. ఎవరును నశియింప వలదని
ఓరిమి ప్రభువు వహియించును
మారు మనస్సును పొందు సమయమిదే
మక్కువతో ప్రభువు పిలుచుచున్నాడు
|| తెరువబడియున్నది ||
2. ద్వారము తెరువబడియుండగా
దయచూపి నిన్ను రమ్మనె ప్రభువు
దీనిని నీవు అంగీకరించిన
దేవుని దీవెనలు పొందెదవు
|| తెరువబడియున్నది ||
3. రాత్రి గడచిపోయి పగలాయెను
అతిక్రమములను వీడుమనె ప్రభు
నీతి సూర్యుండు ఉదయించును
భీతిని విడచి సిద్ధపడుము
|| తెరువబడియున్నది ||
4. అర్థ రాత్రి వేళ గొప్ప సందడాయెను
అదిగో పెండ్లి కుమారుండు వచ్చెననియు
సిద్ధముగా నున్నవారే వెళ్ళెదరుగా
ఆ ద్వారము మూయబడు త్వరపడుమా
|| తెరువబడియున్నది ||
5. వెళ్ళగోరియున్న సిద్ధపడవలెను
యెసు రక్తమందు శుద్ధకావలెను
ఘనముగ మీరు ప్రవేశింపవలెను
మన తండ్రి యొక్క పూర్ణ సంకల్పమిదే
|| తెరువబడియున్నది ||