1. దీర్ఘకాలము ప్రేమ - దయచూపి సహించును
మత్సరపడదీ యుత్తమ ప్రేమ
డంబముగా నడువనిదీ ప్రేమ - ఉప్పొంగనిదీ ప్రేమ
|| శాశ్వతమైనది ||
2. స్వప్రయోజనమును - ఎప్పుడు కోరనిదీ ప్రేమ
అమర్యాదగ నడువని ప్రేమ
త్వరగా కోపపడని ప్రేమ - తలచదు అపకారమును
|| శాశ్వతమైనది ||
3. దుర్నీతిలో గాక - సత్యాన సంతోషించున్
అన్నిటిని తాళుకొను ప్రేమ
అన్నిటినమ్మియోర్చెడి ప్రేమ - అన్నిటి నిరీక్షించున్
|| శాశ్వతమైనది ||
4. నిలుచును విశ్వాసము - నిరీక్షణయు మరి ప్రేమ
వీటిలో శ్రేష్టమైనది ప్రేమ
ప్రేమను కల్గియుండుటకు - ప్రయత్నించుడి మీరు
|| శాశ్వతమైనది ||
5. ప్రేమలేనివాడు - దేవుని ఎరుగనివాడు
మన దేవుడు ప్రేమస్వరూపి
తన ప్రేమ మనలో సంపూర్ణ - సిద్ధిని పొందవలయు
|| శాశ్వతమైనది ||
6. నిన్నడుగుచున్నాడు - నిను ప్రేమించిన ప్రభుయేసు
నన్ను ప్రేమించుచున్నవా?
వీరికంటె నా పై నీకు - ఎక్కువ ప్రేమగలదా?
|| శాశ్వతమైనది ||
7. నను ప్రేమించినయెడల - నాయాజ్ఞలను గైకొనుము
మీలో మీరు ఒకరినొకరు
ప్రేమించుకొనుచున్న ఎడల - అదియే మహాదానందం
|| శాశ్వతమైనది ||