1. పరలోక రాజ్యపట్టణమెంతో యద్భుతము
గొఱ్ఱెపిల్ల కాంతితోడ ద్దని కాంతి యెంతయో
సురక్షితంబు చేయబడెను ప్రాకారంబుతో
గొఱ్ఱెపిల్లకు యుగములందు స్తుతియారాధన
|| నూతన ||
2. పరిశుద్ధ యెరూషలెము పరలోకమునుండి
దేవుని యొద్దనుండి దిగుట నేను చూచితి
భర్తకొరకు అలంకరింపబడియున్న
పెండ్లికుమార్తెవలెనె సిద్ధమై యుండెను
|| నూతన ||
3. సింహాసనము నుండి యొక స్వరము వింటిని
దేవుని నివాసము మనుజులలో నున్నది
ఆయన వారితోడనే ఎల్లప్పుడుండును
ఆయన వారి దేవుడు వారాయన ప్రజలు
|| నూతన ||
4. దేవుడు వారి కండ్లనీళ్ళు తుడిచివేయును
దుఃఖంబు మరణములు యింకెన్నడుండవు
ఏడ్పు బాధ శాపము లిక నెన్నడుండవు
రాత్రి లేదిక గొఱ్ఱెపిల్ల దీపంబాయెగా
|| నూతన ||
5. సింహాసనాసీనుండు తానే మరల చెప్పెను
ఇదిగో సమస్తమును నూతనమాయెను
పాతసంగతులెల్లను గతించి పోయెను
గతించినవి రావు మరల జ్ఞాపకమునకు
|| నూతన ||
6. పట్టణమునకు ఎత్తైన ప్రాకారమున్నది
చుట్టు పండ్రెండు గుమ్మములు దానికున్నవి
కట్టబడెను ముత్యములతో పునాదులు
చుట్టబడెను సూర్యకాంత సువర్ణములతో
|| నూతన ||
7. పట్టణపు పునాదులు ప్రశస్తమైనవి
సూర్యకాంతము నీలము యమున పచ్చయు
వైఢూర్యకెంపు స్వర్ణరత్న గోమేధికము
పుష్య పద్మరాగ స్వర్ణసునీయ సుగంధము
|| నూతన ||
8. జయించువారు ధన్యులు యేలుదురెన్నడు
ధరించి తెల్ల వస్త్రములు సంతసింతురు
ప్రభువు వారి - దేవుడై యుండు నిరంతము
వారసులై సర్వము స్వతంత్రించు కొందురు
|| నూతన ||
9. ప్రభుని భక్తులారా మీరు సిద్ధపడుడి
అద్భుత రాజ్యమందు నుండ యాశపడుడి
గొఱ్ఱెపిల్ల గ్రంథమున పేరున్న వారలు
ఘనంబుగ పరంబున ప్రవేశించెదరు
|| నూతన ||