1. నీ పాపము పరిహారమాయె
నీ యతిక్రమము తుడువబడెన్
నిర్దోషియని నిన్నెంచె ప్రభు
ఆత్మలో కపటము లేదనెను
|| ధన్యుడవు ||
2. ఏర్పరచబడిన ధన్యుడవు
దరిజేరితివి నీ ప్రభుకడకు
చేర్చెను తన మందిరములోన
తృప్తిపరచె దాని సమృధ్దిచే
|| ధన్యుడవు ||
3. దుష్టుల యోచనలో వెళ్ళక
పాపుల మార్గమున నిలువక
అపహాసకులతో కూర్చుండక
ధర్మశాస్త్రము ధ్యానించునీవు
|| ధన్యుడవు ||
4. ప్రభునిచే నీవు బలమొంది
ప్రభు మార్గము నీయందుండి
జలములలో నీవు నడచుచు
జలమయముగా చేయు నీవు
|| ధన్యుడవు ||
5.యెహోవాయే ఉత్తముడని
రుచిచూచి మరి ప్రభు నెరిగి
మహోన్నతుని ఆశ్రయించి
ఆరాధించు నీవు ధన్యుడవు
|| ధన్యుడవు ||